Bol doon ki nahi (To say or not)

Bol doon ki nahi

Is kadar sochte sochte aankhon me hi raat kat gayi

Kya kahun kya sunun ye hisaab lagate hi subah ho gayi

 

Ki bol doon ya chup rahoon, ya bas sirf ek ishara kar doon

Ki bhool jaun ya yaad rakhun, ya bas mehez chhod doon

 

Isi kashmakash ko sochte hi ye raat kho gayi

Taaron se, chanda se isi bahane ye baat ho gayi

Ki wo bhi poochhte hain ki kya baat hai

Ki hum jo jaagte hain ye kya raaz hai

 

Aisa laga ki kayi muddatein beet gayi hain jaise

Par sila naa nikla koi, hum ab bhi wahin hai waise

 

Ki bol doon ya chup rahoon, ya ab bas jaane bhi doon

Ki rok loon, kuch bol doon, ya ab bas rehne hi doon

 

Ki bol doon jo main abhi

To kahin jald baazi naa ho jaye

Ki chup rahoon jo main abhi

To kahin der naa ho jaye

 

Kya waqt sahi aur kya galat ye kaun jaanta hai

Humari kashmakash ko yahan kaun maanta hai

 

Is kadar sochte sochte aankhon me hi raat kat jati hai

Kya kahun kya sunun ye hisaab lagate hi subah ho jati hai

About thehopekeeper

I am "the hopekeeper" who despite of losing all faiths to worldly distress still enlightens with a small ray of Hope and is trying to propagate it and make the world full of light.

Leave a Reply