Main Aaunga

Main aaunga

Main aaunga

Waqt ka kya aitbaar (trust)

Aaj is ore kal us paar

Milne tujhse kisi mod par

Main aaunga fir ek baar

 

Chahe waqt yoon hi rahe

Ya naa rahe

Chahe tu kuch mujhse kahe

Ya naa kahe

 

Main aaunga fir ek baar

Main aaunga yoon har baar

 

Vaade ye chahe rahe naa rahe

Lamhe yoon hi rahe naa rahe

Aas tu mujhse kare naa kare

Waqt ke daayron ke pare

 

Ek din kisi mod par

Fir kahin kisi raah par

Main aaunga fir ek baar

Main kahunga ye har baar

 

Ki waqt chahe jo rahe

Tu mera rahe naa rahe

Teri har yaad mein main rahunga

Beeti har baat mein main rahunga

Bhoole har saaz (melody) mein main rahunga

Mann ke har raaz mein main rahunga

 

Aur yoon rahunga is kadar

Jaise meri raah aur teri nazar

Fir se ek baar main guzrunga

Usi raah par

Tujhse main fir milunga

Kisi mod par

 

Main aaunga fir ek baar

Main aaunga yoon har baar

About thehopekeeper

I am "the hopekeeper" who despite of losing all faiths to worldly distress still enlightens with a small ray of Hope and is trying to propagate it and make the world full of light.

Leave a Reply