Sukoon

sukoon

Pursukooni ki talaash mein zamaane ko chhod aaya hoon
Aatish-e-junoon (fire of passion) ko lahu mein yoon ghol laya hoon
Main shohraton ka kaayal (admirer) nahi, fan (talent) ka mureed (fan) hoon
Main daulat se ameer nahi, fakeeron mein fareed (unique) hoon

Naa de khairat, tujhse kuch nahi chahiye mujhe
Jo de sake agar, toh do pal ka sukoon de mujhe
Isi talaash mein nikla door ka ek musaafir hoon
Kisi ke liye deewaana, kisi ke liye sarfira hoon

Teri ye daulat ho tujhi ko Mubarak!
Teri ye shohrat ho tujhi ko Mubarak!
Mujhe to ab sirf tasavvur (imagination) us sukoon ka hai
Jo naa daulat se milti naa shohrat hi mein hai

Naa zohd (obedience) ka pata mujhe, naa hi koi kufr (blasphemy) jaanta hoon
Main toh bas mohabbat-e-aman (love for peace) ko maanta hoon
Duniya se kayi naate wo jhoote tod aaya hoon
Jhoothi har maaya se muh main mod aaya hoon 

Aiteraaz hai duniya ke har jhoothe takkalluf (formality) se mujhe
Bayaan karein iraade wo apne saaf takallum (speech) mein mujhe
Main ehteraamon (respect) ka shaukeen nahi sukoon ka aadi (used to) hoon
Main zubaan ka khokhla nahi iraadon ka faulaadi hoon

Mere junoon ka hi jo ye ghuroor hai
Is tang haal mein bhi ek sukoon hai
Naa de khairat, tujhse kuch nahi chahiye mujhe
Jo de sake agar, toh do pal ka sukoon de mujhe

The Hopekeeper

About thehopekeeper

I am "the hopekeeper" who despite of losing all faiths to worldly distress still enlightens with a small ray of Hope and is trying to propagate it and make the world full of light.

Leave a Reply